Rossiyada ish vaqtida jarohat olgan yurtdoshimizga kompensatsiya undirib berildi

23:18 19 Oktyabr 2022 Jamiyat
652 0

2022-yilning aprel oyida ishlash maqsadida Moskva shahriga borgan fargʻonalik M.N. avgust oyida baxtsiz hodisa oqibatida ogʻir tan jarohat olib, mehnatga layoqatsiz boʻlib qoladi.

M.N. yaqin qarindoshlarining Tashqi mehnat migratsiyasi agentligiga amaliy yordam soʻrab qilgan murojaati oʻrganilib, yurtdoshimiz Xorijda mehnat faoliyatini amalga oshiruvchi fuqarolarni qoʻllab-quvvatlash hamda ularning huquq va manfaatlarini himoya qilish jamgʻarmasi hisobidan, shifokor nazoratida Oʻzbekistonga olib kelindi.

Shuningdek, Tashqi mehnat migratsiyasi agentligining Moskva shahridagi vakolatxonasi negizidagi Mehnat migrantlarining murojaatlari bilan ishlash va ularga huquqiy koʻmaklashish markazi tomonidan fuqaroga ish beruvchidan 1 million 350 ming rubl miqdorida moddiy yordam undirib berildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?