Respublikada 22 ta bogʻcha, 31 ta maktab, 16 ta oliy taʼlim muassasalari quriladi

09:26 29 Dekabr 2020 Jamiyat
460 0

“2021–2023-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida”gi Prezident qarori (PQ–4936-son, 28.12.2020-y.) qabul qilindi. Bu haqda “Huquqiy axborot” kanali xabar berdi.

Qaror bilan 2021-yilda ijtimoiy va ishlab chiqarish infratuzilmasini rivojlantirishning asosiy parametrlari va 2022-2023-yillar uchun maqsadli moʻljallar tasdiqlandi.

Shunga koʻra, belgilangan yillarda respublikada, jumladan:

➖ 22 ta bogʻcha (jami 2 970 oʻringa ega), 31 ta umumtaʼlim va ixtisoslashtirilgan maktablar (jami 13 934 oʻquv oʻrniga ega), 16 ta OTM (jami 9 300 oʻquv oʻrniga ega) yangi quriladi;

➖ jismoniy tarbiya va sport obyektlarini qurish, rekonstruksiya qilish, mukammal taʼmirlash boʻyicha jami 55 ta loyiha (shundan 23 tasi yangi qurilish) amalga oshiriladi;

➖ 11 ta madaniyat va sanʼat obyektlari yangidan qurilib, 7 tasi rekonstruksiya qilinadi;

➖ sogʻliqni saqlash obyektlarini qurish, rekonstruksiya qilish, mukammal taʼmirlash va jihozlash boʻyicha jami 131 ta loyiha (shundan 24 tasi yangi qurilish) amalga oshiriladi;

Shuningdek, ilm-fan va innovatsion obyektlarni rivojlantirish boʻyicha 14 ta loyiha amalga oshiriladi.

Xususan, 2021-2022-yillarda Toshkent shahrida Xalqaro molekulyar allergologiya markazini qurish nazarda tutilgan.

Bundan tashqari, temir yoʻl va metropoliten yoʻlini rivojlantirish choralari ham koʻriladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?