Maʼlumki, shu yilning 19-iyun kuni Oʻzbekiston Respublikasi Prezidenti Shavkat Mirziyoyev tomonidan asrlar davomida xalqimizga xos mehr-oqibat, xayr-saxovat kabi ezgu umuminsoniy qadriyatlarni namoyon etib kelayotgan Qurbon hayitini mamlakatimizda munosib nishonlash maqsadida tegishli qarorni qabul qildi.

Qarorga muvofiq Qurbon hayiti munosabati bilan xalqimizga yana 5 kunlik dam olish berilishi alohida qayd etildi. Madaniyat va turizm vazirligi qator davlat tashkilotlari bilan hamkorlikda aholining ushbu bayram munosabati bilan dam olish kunlarini mazmunli oʻtkazishi uchun mamlakat boʻylab maxsus chegirmalar eʼlon qilindi.

Madaniyat va turizm vazirligi hamda qator davlat tashkilotlari tomonidan aholining ushbu bayram munosabati bilan dam olish kunlarini mazmunli oʻtkazishi uchun mamlakat boʻylab maxsus chegirmalar eʼlon qilindi.

Qurbon hayiti bayrami munosabati bilan 5 kun, yaʼni 28-iyun – 2-iyul kunlari davomida:

1. “Uzbekistan Airways” AJ tomonidan bayram munosabati bilan 2023-yil 28-iyun – 2-iyulgacha amalga oshiriladigan mahalliy aviaqatnovlarning barcha tariflariga 50 foiz chegirma joriy qilindi.

2. “Oʻzbekiston temir yoʻllari” AJ tomonidan Qurbon hayiti bayrami arafasida yoʻlovchilarga yanada koʻproq qulaylik yaratish maqsadida, joriy yilning 26-iyun kunidan 3-iyul kunigacha “Toshkent – Qarshi – Toshkent”, “Samarqand – Toshkent – Samarqand” hamda “Toshkent – Namangan – Toshkent” yoʻnalishlarida harakatlanuvchi poyezdlarning qoʻshimcha qatnovi yoʻlga qoʻyiladi.