Qozogʻistonda suv toshqinlari tufayli 100 mingga yaqin odam evakuatsiya qilindi

16:38 13 Aprel 2024 Dunyo
782 0

Qozogʻistonda suv toshqinlaridan jabr koʻrgan hududlardan 100 mingga yaqin odam evakuatsiya qilindi.

Kuchli yomgʻirlardan soʻng erigan qor tufayli yuzaga kelgan suv toshqinlari natijasida mamlakatning 10 ta hududida 3 mingdan ortiq uy suv ostida qolgan, transport infratuzilmasi, ayniqsa, yoʻl va koʻpriklar shikastlangan, gʻarbiy va shimoliy hududlardagi toʻgʻonlarda suv toshib ketgan.

Favqulodda vaziyatlar vazirligi bayonotiga koʻra, suv toshqini zonalaridan 99 ming 920 kishi evakuatsiya qilingan. Ayni paytda ularning 6 ming 566 nafari vaqtinchalik joylashtirish markazlarida turgan boʻlsa, 9 ming 15 nafari esa oʻz uyiga qaytgan.

Suv bosgan qishloq joylardan 98 ming 106 bosh mayda va yirik chorva mollari evakuatsiya qilindi, 8 mingdan ortiq chorva nobud boʻldi.

Aholini koʻchirish va suv toshqinlariga qarshi kurashda harbiylar bilan birga 34 mingdan ortiq kishi kecha-yu kunduz mehnat qilmoqda. Ming tonna insonparvarlik yordami toshqindan jabr koʻrgan hududlarga yetkazildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер