Qozogʻiston Oʻzbekiston sabzavotlarida ToBRFV virusi bor yoki yoʻqligini tekshiradi

11:20 30 Noyabr 2020 Iqtisodiyot
251 0

Qozogʻiston Qishloq xoʻjaligi vazirligi Oʻzbekistondan keltirilayotgan sabzavotlarni ularda jigarrang burishiqli virus (ToBRFV) bor yoki yoʻqligini tekshiradi. Bu haqda vazirlikka tayanib Sputnik manbasi xabar berdi.

Vazirlik matbuot xizmati 26-noyabr kuni Rossiya Fargʻonada yetishtirilgan pomidor va qalampirda ToBRFV aniqlanganligi sababli ushbu mahsulotlarni vaqtinchalik taqiqlaganini qayd etgan.

“Respublika issiqxona xoʻjaligi uchun boʻlgan ehtimoliy tahdid va xatarlar haqidagi hozirgi vaziyatni tahlil qilmoqdamiz. Tahlil yakunlariga koʻra tegishli qaror qabul qilinadi”, - deyilgan xabarda.

Eslatib oʻtamiz, avvalroq Rossiyaga Oʻzbekistonning Fargʻona viloyatidan pomidor va qalampir olib kirish taqiqlangani xabar qilingan edi. Chunki ularda jigarrang burishiqli virusi (Tomato brown rugose fruit virus (ToBRFV) aniqlan.

Investitsiyalar va tashqi savdo vazirligi hozirgi vaqtda Oʻsimliklar karantini davlat inspeksiyasi va Oʻzbekistonning Rossiyadagi elchixonasi bilan birgalikda Rosselxoznadzor bilan mazkur masala boʻyicha maslahatlashuvlar oʻtkazilayotganini maʼlum qilgan. Shuningdek, shu kabi viruslar paydo boʻlishining oldini olish boʻyicha tezkor ravishda chora-tadbirlar kompleksi ishlab chiqilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?