Qoraqalpogʻiston Respublikasida qurilish va taʼmirlashdagi “oʻyin”lar fosh boʻldi

15:51 05 Dekabr 2022 Jamiyat
325 0

Bosh prokuratura huzuridagi Departamentning Qoraqalpogʻiston Respublikasi boshqarmasi tomonidan oʻtkazilgan tergovga qadar tekshiruvda, Qoraoʻzak tuman yoʻllardan foydalanish unitar korxonasi masʼul shaxslari “Nukus-Chimboy-Taxtakoʻpir” hamda “Nukus-Aqmangʻыt-Kegeyli-Chimboy-Qazaqdaryo ovuli” avtomobil yoʻllarini qurishda hujjatlarga amalda bajarilmagan ishlarni kiritish orqali 371,7 mln soʻmni oʻzlashtirganliklari aniqlangan.

Shu kabi, Departamentning Qoraoʻzak tuman boʻlimi tomonidan oʻtkazilgan tergovga qadar tekshiruvda, “Ya.B.I.” kompaniyasi hamda “T.I.” MCHJ masʼul shaxslari Chimboy tumani, “Qosterek” OFYdagi umumiy oʻrta taʼlim maktabida qoʻshimcha 80 oʻrinli oʻquv va sport zali binolarini qurishda hujjatlarga amalda bajarilmagan ishlarni kiritish orqali 446,1 mln soʻmni oʻzlashtirganliklari aniqlangan.

Departamentning Kegeyli tuman boʻlimi tomonidan oʻtkazilgan tergovga qadar tekshiruvda esa, “T.T.” MCHJ masʼul shaxslari ushbu MCHJga tuman tibbiyot birlashmasiga qarashli “Xalqabod poliklinikasi” binosini joriy taʼmirlash uchun oʻtkazib berilgan 282,5 mln soʻmni qurilish ishlari uchun sarflamasdan, oʻzlashtirish yoʻli bilan talon-toroj qilganliklari aniqlangan.

Mazkur holatlar yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) bilan jinoyat ishlari qoʻzgʻatilib, tergov harakatlari oʻtkazilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?