Qorakoʻlda moʻjaz shaharcha barpo etildi

12:02 24 Yanvar 2022 Jamiyat
426 0

Foto: Халқ сўзи

Buxoro viloyati Qorakoʻl tumani hududida joylashgan Davlat xavfsizlik xizmati chegara qoʻshinlariga qarashli harbiy qism uchun moʻjaz shaharcha barpo etildi.

Namunaviy loyiha asosida bunyod etilgan 20 ta turar-joy, shuningdek, 25 oʻrinli bolalar bogʻchasidan iborat bu goʻsha viloyat markazidan yuzlab kilometr olisda, sahro bagʻrida qad rostladi. Uning qurilishi uchun davlatimiz tomonidan salkam 4 milliard soʻm mablagʻ sarflandi.

Ana shu shinam uylarning biri mayor Orifjon Parmonovning oilasiga ajratildi.

— Uyda shaharnikidan qolishmaydigan darajada shart-sharoitlar yaratilgan, — deydi mayor. — Bir soʻz bilan aytganda, biz, chegarachilarning endi oʻz oilamizdan koʻnglimiz toʻq. Xizmat burchimizni sidqidildan ado etib, xalqimizning tinch va osuda hayotini taʼminlash yoʻlida kuch- gʻayratimiz, bilim va salohiyatimizni ayamaymiz.

Mazkur uy-joylarni foydalanishga topshirishga bagʻishlangan tantanali marosimda Buxoro viloyat hokimi B. Zaripov ishtirok etdi.

Istam IBROHIMOV, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер