Yosh shifokor — nevropatolog Feruz Ashurov oliy oʻquv yurtini tamomlaganidanoq xususiy klinika faoliyatini yoʻlga qoʻyishni rejalashtirgan edi.  Tumanning Boʻston mahallasida ish boshlagan «Vazirabonu» xususiy klinikasi tufayli uning orzusi amalga oshdi.

Jami 2,4 milliard soʻm mablagʻ sarflangan ushbu klinikada nevrologiya, ginekologiya, kardiologiya tibbiy xizmatlari, fizioterapiya muolajalari Rossiya, Xitoy, Ukraina mamlakatlaridan keltirilgan 3 D oʻlchamdagi UZI, EKG, EEG, EXO-EG kabi texnologiyalar yordamida amalga oshiriladi. Shuningdek, bu yerda 20 oʻrinli statsionar davolanish maskani ham bunyod etilgan.

Klinikaning taqdimot marosimida Qiziltepa tumani hokimi va yosh shifokorning tibbiyotda ulkan yutuqlarga erishishida hissa qoʻshgan tibbiyot fanlari doktori G.Ixtiyarova, tibbiyot fanlari nomzodi B.Joʻrayev hamda keng jamoatchilik ishtirok etishdi.

Temur ESHBOYEV,
(“Xalq soʻzi”)