Qishloqlarda xorijiy tillarni oʻqitish uchun 50 mln soʻmgacha bir martalik subsidiya ajratiladi

13:34 22 Sentyabr 2022 Jamiyat
539 0

Foto: Arxiv surat

2022-yil 1-oktyabrdan boshlab qishloq hududlarida xorijiy tillarni oʻqitish faoliyatini tashkil etish uchun nodavlat taʼlim tashkilotlariga mahalliy byudjet mablagʻlari hisobidan bir martalik subsidiya ajratish boʻyicha davlat xizmatlari koʻrsatishning maʼmuriy reglamenti amalga kiritilmoqda.

50 mln soʻmgacha boʻlgan bir martalik subsidiyalar tadbirkorlik subyekti boʻlgan nodavlat taʼlim tashkilotlariga kamida 6 oy muddat davomida qishloq hududlarida xorijiy tillarni oʻqitish faoliyati bilan shugʻullanish sharti bilan ajratiladi.

Nodavlat taʼlim tashkiloti tomonidan mahalliy byudjet mablagʻlari hisobidan subsidiya ajratish boʻyicha Oʻzbekiston Respublikasi Yagona interaktiv davlat xizmatlari portali orqali murojaat qilish mumkin boʻladi.

Bu haqda AOKAda oʻtkazilgan brifingda Xorijiy tillarni oʻrganishni ommalashtirish agentligi direktori oʻrinbosari Azimjon Husanov maʼlum qildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?