Qirq yillik qarzni uzadigan tomorqa neʼmatini bilasizmi?

16:48 28 Oktyabr 2020 Iqtisodiyot
157 0

Fargʻonalik mirishkor tomorqachilar oʻrtasida “Achchiq qalampir qirq yillik qarzingni uzadi”, degan mashhur ibora bor. Agar dehqonchiligingiz baroridan kelsa, achchiq qalampir daromadi oila farovonligini yuksaltirishda juda ham qoʻl keladi.

Bagʻdod tumanida uddaburon tomorqachilar keyingi yillarda achchiq qalampir yetishtirish, sanoat usulida qayta ishlash va eksport qilish borasida quvonarli yutuqlarga erishyapti.

— Har yili tumanimiz aholisi tomonidan yetishtirilgan 300 tonnadan ortiq achchiq qalampirni Rossiya, Ukraina, Gruziya va Qirgʻizistonga eksport qilaman,-deydi bagʻdodlik mashhur tadbirkorlardan biri Furqat Berdaliyev. – Yilning istalgan faslida qalampirni quritilgan, qadoqlangan va konservalangan holda eksport qilish faoliyatini kengaytirish maqsadida Xitoydan zamonaviy texnologiyalar olib kelib, 1 ming 500 tonna sigʻimga ega muzlatgichli omborxona qurdik.

Hozirda bagʻdodlik tadbirkorlar achchiq qalampirni Hindiston, Xitoy, Janubiy Koreyaga eksport qilish boʻyicha talab va taklifni oʻrganmoqdalar.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?