Qirgʻizistonning Toshkent shahridagi elchixonasining yangi binosi ochildi

14:02 03 May 2024 Siyosat
260 0

Foto: Oʻzbekiston Respublikasi Bosh vazirining Matbuot xizmati

Qirgʻiz Respublikasi Vazirlar Mahkamasi raisi – Prezident administratsiyasi rahbari Aqilbek Japarovning Oʻzbekiston Respublikasiga tashrifi doirasida Qirgʻizistonning Toshkent shahridagi elchixonasi yangi binosining ochilish marosimi boʻlib oʻtdi.

Ikki mamlakat Bosh vazirlari ramziy tasmani kesib, Qirgʻiziston diplomatik vakolatxonasi binosini ochib berdilar. Elchixonada diplomatlar uchun yaratilgan sharoitlar bilan tanishdilar.

Shuningdek, Oʻzbekiston Respublikasi Bosh vaziri Abdulla Aripov va Qirgʻiz Respublikasi Vazirlar Mahkamasi raisi Aqilbek Japarov mamlakatlarimiz va qardosh xalqlarimiz oʻrtasidagi doʻstlik munosabatlarini mustahkamlashga intilish ramzi sifatida ikki tup daraxt ekdilar. Elchixona Faxriy mehmonlar kitobiga oʻz tilaklarini yozib qoldirdilar.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?