Foto: Xalq taʼlimi vazirligi matbuot xizmati

Xabaringiz bor, joriy yilning 3-5-avgust kunlari Toshkent shahrida Prezident sovrini uchun oʻtkazilgan “Xorijiy tillarni oʻqitish boʻyicha eng yaxshi maktab” tanlovining Respublika bosqichi oʻtkazildi.

Poytaxtimizdagi “Simpoziumlar saroyi”da mazkur tanlovning Respublika bosqichi gʻoliblarini taqdirlash marosimi oʻtkazildi.

Taqdirlash marosimida tanlovning final bosqichida gʻolib boʻlgan maktablarga belgilangan pul mukofotlari topshirildi.

Unga koʻra:

1-oʻrinni egallagan Toshkent shahri, Yunusobod tumanidagi 97- maktab jamoasi – 500 million soʻm;

2-oʻrinni egallagan Buxoro viloyati, Buxoro shahridagi 40-maktab jamoasi – 400 million soʻm;

3-oʻrinni egallagan Toshkent viloyati, Olmaliq shahridagi 5-maktab jamoasi – 300 million soʻm miqdoridagi pul mukofotiga ega boʻldi.

Shuningdek, tanlovning Respublika bosqichi ishtirokchilari, 70 nafar oʻquvchi va 14 nafar ustozlarga Buyuk Britaniyaga taʼlim sayohati yoʻllanmasi topshirildi.