Qashqadaryoda YPX xodimi choʻkayotgan fuqaroni qutqarib qoldi
Videodan kadr
Qashqadaryo viloyati Qarshi tumanida Yoʻl patrul xizmati xodimi suvda choʻkayotgan fuqaroni qutqarib qoldi. Bu haqda Ichki ishlar vazirligi Jamoat xavfsizligi departamenti Yoʻl harakati xavfsizligi xizmati xabar berdi.
Maʼlum qilinishcha, bugun, 2025-yil 16-iyul kuni soat 16:20 larda Qarshi tumani hududidan oʻtuvchi “Qarshi magistral bosh kanali” oldida xizmat olib borayotgan YPX xodimi Nodir Mirzayev kanalda choʻkayotgan fuqaroni koʻrib qolgan va zudlik bilan uni qutqarish uchun oʻzini suvga tashlagan.
Voqeaga guvoh boʻlgan fuqaro Maʼruf Choriyev ham oʻzini suvga tashlab yordam qoʻlini uzatgan.
Koʻrilgan choralar natijasida fuqaro qutqarib qolinib, unga birinchi tez tibbiy yordam koʻrsatilgan va shifoxonaga olib borilgan.
“Hozirda fuqaroning holati yaxshi. Uning hayotini saqlab qolish yoʻlida jasorat va fidoyilik koʻrsatgan YPX xodimi Nodir Mirzayev hamda fuqaro Maʼruf Choriyevga chuqur minnatdorchilik bildiramiz”, deyiladi YHXX xabarida.
Tavsiya etamiz
Ko‘p o‘qilganlar
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- Kambagʻallikni qisqartirish: pul emas, aql-idrok va bilim muhim
- Oʻzbekistonda xotin-qizlarga nisbatan raqamli zoʻravonlikka barham berish boʻyicha 16 kunlik kampaniya boshlandi
- “Inson Faxri” milliy mukofoti sohiblari taqdirlandi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring