“Qamchiq” dovoni qor koʻchkisi xavfi yuzaga kelganligi sababli vaqtincha yopildi

09:49 12 Mart 2022 Jamiyat
674 0

Foto: Arxiv surat

Oʻzbekiston Respublikasi Gidrometeorologiya xizmati markazi tomonidan berilgan maʼlumotga koʻra qor koʻchkisi xavfi eʼlon qilindi. Shu sababli bugun, 12-mart kuni soat 9:00 dan A-373 Xalqaro avtomobil yoʻlining “Qamchiq” dovoni avtomobillar harakati uchun vaqtincha yopildi. Bu haqda Favqulodda vaziyatlar vazirligi matbuot xizmati xabar berdi.

Ayni daqiqalarda FVV rahbarligida tegishli tashkilotlarning mutaxassislari tomonidan vaziyat oqibatlarini bartaraf etish borasida keng koʻlamli profilaktik ishlar amalga oshirilmoqda.

“Qamchiq” dovonini qayta ochilishi boʻyicha FVV Matbuot xizmati qoʻshimcha maʼlumot taqdim etadi, deyiladi xabarda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?