Foto: AP

Polsha Yevropa Ittifoqi kengashiga Germaniyadan Ikkinchi jahon urushida yetkazilgan zarar uchun kompensatsiya toʻlash boʻyicha rezolyutsiyani taqdim etdi.

Polsha tashqi ishlar vazirining tovon toʻlash boʻyicha oʻrinbosari Arkadiush Mulyarchikning aytishicha, Varshava Ikkinchi jahon urushida qurbon boʻlganlarning oilalari va yaqinlariga Germaniyadan yetkazilgan zarar uchun shaxsiy kompensatsiya toʻlash boʻyicha Yevropa Ittifoqi kengashiga rezolyutsiya taqdim etgan.

“Birinchi marta Yevropa Kengashida Ikkinchi jahon urushi oqibatida qurbonlar va ularning oilalari uchun Germaniyadan yetkazilgan zarar uchun individual tovon puli olish masalasi haqida gap ketmoqda. Bu masala boʻyicha qaror ustida ishlayapmiz”, deydi Mulyarchuk.

Avvalroq, Polsha hukumati Germaniyadan Ikkinchi jahon urushi uchun tovon puli olishga yordam berishni soʻrab Yevropa Kengashiga murojaat qilgan edi. Mulyarchik, shuningdek, Yevropa Kengashi Bosh kotibi va Vazirlar qoʻmitasiga Polsha va Germaniya oʻrtasidagi hamkorlik formulasini yaratish iltimosi bilan murojaat qilgan. Uning taʼkidlashicha, Varshava Berlinning bu borada muloqotga kirishish istagini koʻrmaydi.

Oʻtgan yili Polshaning hukmron “Qonun va adolat” partiyasi rahbari Yaroslav Kachinski Germaniyadan polyaklarga urush vaqtida yetkazgan zarar uchun 1,3 trillion dollar tovon toʻlashni talab qilgan edi. Nemis rasmiylari bu talabni rad etib, zarar allaqachon qoplanganligini bildirgan.