«Oʻzbekneftgaz» AJ boshqaruvi raisi Mehriddin Abdullayev “Bunyodkor” futbol klubi prezidenti lavozimiga tayinlandi
“Bunyodkor” futbol klubi Kuzatuv kengashining yigʻilishi boʻlib oʻtdi. Unda klub moddiy-texnik bazasini yana-da mustahkamlash, musobaqalarda muvaffaqiyatli ishtirok etishini taʼminlash va boshqa bir qator tashkiliy masalalar muhokama qilindi.
Bundan tashqari, ushbu yigʻilishda, Kuzatuv kengashi aʼzolari tomonidan klubga yangi prezident tayinlash masalasi ham koʻrib chiqildi va nafaqat Oʻzbekistonda, balki Osiyoda ham oʻz nomi va oʻrniga ega boʻlgan “Bunyodkor” futbol klubi rahbariyatida oʻzgarish roʻy berdi.
«Oʻzbekneftgaz» AJ boshqaruvi raisi Mehriddin Razzoqovich Abdullayev rasman “Bunyodkor” futbol klubi prezidenti etib tayinlandi. Bu haqda «Oʻzbekneftgaz» AJ Matbuot xizmati xabar berdi.
Maʼlumot oʻrnida, Mehriddin Abdullayev 1969-yil Buxoro viloyati Jondor tumanida tugʻilgan. Mutaxassisligi – iqtisodchi, huquqshunos. Oʻzbekiston Respublikasi Moliya vazirligi, Buxoro viloyati hokimligi, Oʻzbekiston milliy banki va Oʻzbekiston Respublikasi Hisob palatasida turli rahbarlik lavozimlarida faoliyat yuritgan.
Tavsiya etamiz
Ko‘p o‘qilganlar
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- Kambagʻallikni qisqartirish: pul emas, aql-idrok va bilim muhim
- Oʻzbekistonda xotin-qizlarga nisbatan raqamli zoʻravonlikka barham berish boʻyicha 16 kunlik kampaniya boshlandi
- “Inson Faxri” milliy mukofoti sohiblari taqdirlandi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring