Oʻzbekistonning 28 oliy oʻquv yurti TOP-1 000 talik reytingga kirish uchun daʼvogar sifatida qayd etildi

16:13 12 Oktyabr 2022 Jamiyat
340 0

Buyuk Britaniyaning nufuzli reyting tashkiloti – Times Higher Education agentligi oʻzining World University Rankings – 2023 reyting natijalarini eʼlon qildi.

Eʼtiborlisi, bu yil respublikamizning yana 18 ta oliy taʼlim muassasasi “reporter” maqomida qayd etilishi bilan TOP-1 000 talik reytingdan joy olish uchun davogarlar 10 tadan 28 taga yetdi.

Quvonarlisi, ular orasida Sogʻliqni saqlash vazirligi tasarrufidagi 5 ta oliy taʼlim muassasasi ham oʻrin oldi.

Ular quyidagilar:

— Toshkent tibbiyot akademiyasi;

— Toshkent pedagogika tibbiyot instituti;

— Toshkent davlat stomatologiya intituti;

— Toshkent farmatsevtika instituti;

— Andijon davlat tibbiyot instituti.

Ushbu reytingda universitetlarning 4 ta yoʻnalishdagi samaradorlik koʻrsatkichlari baholandi: oʻqitish, tadqiqot, taʼlim sifati va xalqaro istiqbollar.

Mazkur 28 ta oliy taʼlim muassasasi THEning nufuzli reytinglariga kirish uchun nomzod sifatida tanlanib, bunda reyting agentligi ularga yaqindan yordam beradi.

Maʼlumot oʻrnida, joriy yil ushbu reytingda 1 799 ta universitet qayd etildi, bundan tashqari 526 ta universitet “reporter”, yaʼni daʼvogar universitetlar nominatsiyasiga ega boʻldi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?