BAAda boks boʻyicha Osiyo chempionati oʻz yakuniga yetdi. Bugun erkaklar oʻrtasida final janglari oʻtkazildi.

10 vazn toifasidan 7 tasida hamyurtlarimiz qitʼa chempionligi uchun bahs olib borishdi. Ularning 6 nafari esa terma jamoamiz hisobiga oltin medallarni taqdim qildi. Markaziy jang +91 kg vazn toifasida Bahodir Jalolov va Kamshibek Konkabayev oʻrtasida kechdi. Jang davomida toʻliq ustunlik qilgan Jalolov yakunda yana bir gʻalabani tantana qildi, deb yozadi MOQ matbuot xizmati.

Quyida hamyurtlarimiz qayd etgan natijalar bilan tanishishingiz mumkin:

-49 kg: Nodirjon Mirzahmedov – Daniyal Sabit (Qozogʻiston) 5:0

-52 kg: Shahobiddin Zoirov – Amit (Hindiston) 3:2

-56 kg: Mirazizbek Mirzaxalilov – Xarku Enx-Amar (Moʻgʻuliston) 2:3

-69 kg: Bobousmon Baturov – Ablayxan Jusupov (Qozogʻiston) 3:2

-75 kg: Saidjamshid Jaʼfarov – Abilxan Amankul (Qozogʻiston) 4:1

-81 kg: Dilshodbek Roʻzmetov – Meysam Geshlagi (Eron) 3:2

+91 kg: Bahodir Jalolov – Kamshibek Konkabayev (Qozogʻiston) 5:0

Shu tariqa, bokschi yigitlarimiz oʻz yoʻnalishlarida umumjamoa hisobida birinchi oʻrinni qoʻlga kiritishdi. Erkaklar jamoamiz ushbu chempionatni 6 ta oltin, 1 ta kumush va 3 ta bronza, jami 10 ta medal bilan yakunlashdi.

Bokschilarimizni, ularning murabbiylarini va Oʻzbekiston boks federatsiyasini Osiyo chempionatidagi yana bir muvaffaqiyat bilan samimiy qutlaymiz.