Oʻzbekistondagi vazirlik va idoralar xodimlari 24 foizga qisqaradi

13:13 25 Yanvar 2023 Siyosat
216 0

Foto: Illustrativ foto

Bugun imzolangan Prezident farmoniga muvofiq, hukumatga boʻysunadigan vazirlik va mustaqil maqomga ega idoralar soni jami 26 ta etib belgilanmoqda (ular tarkibiga kirgan barcha qoʻmitalar, agentliklar va inspeksiyalar bilan birga jami 69 ta), shu jumladan:

— vazirliklar – 21 ta;

— qoʻmitalar – 12 ta, shundan 2 tasi mustaqil maqomga ega;

— agentliklar – 25 ta, shundan 3 tasi mustaqil maqomga ega;

— inspeksiyalar – 11 ta.

Vazirlik va idoralarda byudjet va nobyudjet mablagʻlaridan moliyalashtiriladigan jami 17 447 ta boshqaruv va ishlab chiqarish shtat birliklari qisqartirilmoqda (umumiy songa nisbatan 24 foiz). Shu jumladan, vazirlik va idoralar rahbarlari oʻrinbosarlari soni 207 nafardan 144 nafargacha (-63) yoki 30 foizga qisqartirilmoqda.

Vazirlik va idoralarda xodimlarning umumiy cheklangan soni 56 573 nafar etib belgilanmoqda. Vazirlik va idoralarning nobyudjet mablagʻlaridan qoʻshimcha boshqaruv shtatlarni kiritish qatʼiy taqiqlanmoqda.

Vazirlarga ularning faoliyatini strategik vazifalarni hal etishga yoʻnaltirish, kunlik ishlar boʻyicha ish yuklamasini kamaytirish maqsadida ular faoliyatini huquqiy, tashkiliy-texnik, axborot-tahlil jihatdan taʼminlaydigan Vazir kotibiyati tashkil qilishga huquq berilmoqda .

Dastlabki hisob-kitoblarga muvofiq, 703 ta avtotransport vositalari va 10 ta binolar boʻshamoqda. Vazirlik va idoralarda shtatlar sonini qisqartirish hisobiga 1,5 trillion soʻm tejab qolinadi. Xizmat mashinalaridan esa 70 mlrd soʻm tejalishi prognoz qilinmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер