Foto: Халқ сўзи

Oʻzbekistonda gripp va oʻtkir respirator infeksiyalar koronavirus bilan miks-infeksiya kasalligi sifatida, aynan emlanmagan va surunkali kasalliklari bor fuqarolarda aniqlanmoqda. Bu haqda AOKAda oʻtkazilgan brifingda Sanitariya-epidemiologik osoyishtalik va jamoat salomatligi xizmati boshligʻi oʻrinbosari Nurmat Otabekov maʼlum qildi.

Soʻnggi 7 kunlikda statsionarga yotqizilgan bemorlar soni — 482 nafarni, davolanib chiqqanlar soni — 358 nafarni, karantinga olinganlar — 2 310 nafarni va karantindan chiqarilganlar — 1 306 nafarni tashkil etdi.

Hozirda COVID-19 ni davolashga ixtisoslashgan shifoxonalarda — 539 nafar bemorlar qolmoqda, uy sharoitida davolanayotganlar esa — 187 nafarni tashkil etmoqda.

Soʻnggi 14 kunlikda roʻyxatga olingan kasalliklarning yoshma-yosh tahlili: 

0-14 yoshgacha boʻlganlar — 12,5 %ni, 

15-19 yoshdagilar — 2,1 %ni, 

20-29 yoshdagilar — 37,5%ni, 

30-39 yoshdagilar — 15,6 %ni, 

40-49 yoshdagilar — 11,5 %ni, 

50-59 yoshdagilar — 9,3 %ni, 

60 yosh va kattalar— 11,5 %ni tashkil etdi.