Oʻzbekistonda “2022-2026-yillarda Yangi Oʻzbekistonni rivojlantirish strategiyasi toʻgʻrisida”gi loyihadan kelib chiqib, zamonaviy kommunikatsiya dasturlari, milliy messenjerlar va ijtimoiy tarmoqni tashkil etishni rejalashtirilmoqda.

Qayd etilishicha, 2022-yil dekabriga qadar milliy ijtimoiy tarmoq va messenjerlar hamda axborot-kommunikatsiya dasturlarini yaratish boʻyicha ishlar amalga oshiriladi, xususan:

milliy kommunikatsiya platformalarini yaratishga yetakchi soha mutaxassislari va yirik tadbirkorlarni jalb etish;

maʼlumotlarni uzatish va qayta ishlash boʻyicha zamonaviy talablarga javob beradigan dasturiy va texnik vositalar bilan taʼminlash.

Shu bilan birga, AKT sohasida milliy mahsulotni yaratish tizimini ragʻbatlantirish va qoʻllab-quvvatlashning samarali mexanizmlarini ishlab chiqish boʻyicha amaliy choralar koʻradi. Dasturni, shuningdek, milliy ijtimoiy tarmoq va messenjerlar qamrovini oshirish uchun soliq imtiyozlari tizimi ishga tushiriladi.

Bundan tashqari, milliy aloqa platformalari aholi orasida ommalashtiriladi. Ushbu maqsadlar uchun quyidagilar rejalashtirilgan:

milliy ijtimoiy tarmoq va messenjerlarni zamonaviy dizayn va texnik talablarni hisobga olgan holda yangilash;

milliy ijtimoiy tarmoq va messenjerlarni aholi oʻrtasida keng targʻib qilish boʻyicha amaliy chora-tadbirlar koʻrish;

fuqarolarning shaxsiy maʼlumotlarining xavfsizligini taʼminlash.