Oʻzbekistonda hafta oxirida ob-havo keskin sovuqlashadi

15:38 18 Yanvar 2021 Jamiyat
3294 0

Haftaning birinchi yarmida bahoriy iliq havo saqlanib turadi. Hafta oxiriga kelib esa qishki ob-havo qaytadi. Bu haqda “Oʻzgidromet” xabar berdi.

19-20-yanvarda respublika hududlarining koʻp qismida yogʻingarchiliksiz ob-havo saqlanib turadi, faqat Qoraqalpogʻistonda, Xorazm, Toshkent, Samarqand, Jizzax, Sirdaryo viloyatlarining baʼzi joylarida biroz yomgʻir yogʻishi mumkin. 20-yanvarda Qoraqalpogʻistonda, Xorazm viloyatida qor yomgʻirga aylanadi.

21-yanvarda respublika hududlarining koʻp qismida yogʻingarchilik kutilmaydi, Qoraqalpogʻistonda, Xorazm viloyatida qor yogʻadi, Buxoro, Navoiy viloyatlarida kechga tomon baʼzi joylarda yomgʻir yogʻishi mumkin.

22-yanvarda ob-havo keskin oʻzgara boshlaydi. Respublika boʻyicha qor yogʻadi, faqat shimoliy hududlarda yogʻingarchilik kutilmaydi.

23-yanvarda havo juda sovuq boʻlishi kutilmoqda. Havo harorati kechasi 5-10 daraja sovuqqacha pasayadi, kunduzi 2 daraja sovuq 3 daraja iliqni tashkil etadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?