Oʻzbekiston va Qozogʻiston Prezidentlarining telefon orqali muloqoti boʻlib oʻtdi

16:58 01 Dekabr 2020 Siyosat
453 0

Oʻzbekiston Respublikasi Prezidenti Shavkat Mirziyoyev Qozogʻiston Respublikasi Prezidenti Qasim-Jomart Toqayev bilan telefon orqali muloqot qildi.

Davlatimiz rahbari Qozogʻistonning koʻp millatli xalqini davlat bayrami – Birinchi Prezident kuni bilan samimiy qutlab, tinchlik, farovonlik va ravnaq tiladi.

Suhbat chogʻida Oʻzbekiston va Qozogʻiston oʻrtasidagi doʻstlik, yaxshi qoʻshnichilik va strategik sheriklik munosabatlarini mustahkamlashning dolzarb masalalari koʻrib chiqildi. Amaliy hamkorlikka oid qoʻshma loyiha va dasturlarni, avvalo, savdo-iqtisodiy, investitsiyaviy va gumanitar sohalarda ilgari surishga alohida eʼtibor qaratildi.

Prezidentlar xalqaro kun tartibini, jumladan, shu oyda Oʻzbekiston Respublikasi raisligida boʻlib oʻtadigan MDH sammitiga tayyorgarlik koʻrish masalalarini ham muhokama qildilar. Hamdoʻstlik va boshqa mintaqaviy hamda global tuzilmalar doirasidagi yaqin muloqotni davom ettirishga tayyor ekanliklarini taʼkidladilar.

Suhbat soʻngida qardosh mamlakatlarimiz oʻrtasidagi keng koʻlamli hamkorlikni rivojlantirishga ikki tomonning ham intilishi qatʼiy ekani tasdiqlandi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?