Oʻzbekiston va Eron Tashqi ishlar vazirlari uchrashdi

10:04 25 Yanvar 2023 Siyosat
231 0

Foto: Tashqi ishlar vazirligi

2023-yil 24-yanvar kuni Toshkent shahrida boʻlib oʻtgan Iqtisodiy hamkorlik tashkilotiga aʼzo davlatlar Tashqi ishlar vazirlari kengashining yigʻilishi doirasida Oʻzbekiston Respublikasi Tashqi ishlar vaziri v.b. Baxtiyor Saidov Eron Islom Respublikasi Tashqi ishlar vaziri Hosayn Amir Abdollahiyan bilan uchrashdi.

Ikki tomonlama shaklda va mintaqaviy institutlar, jumladan, IHT doirasidagi Oʻzbekiston-Eron munosabatlarining bugungi holati va ularni yanada rivojlantirish istiqbollari yuzasidan fikr almashildi.

Boʻlajak muloqotlar jadvali, ularning tashkiliy va mazmuniy jihatlari, shuningdek, Oʻzbekiston va Eron tashqi ishlar vazirliklari oʻrtasidagi maslahatlashuvlarning navbatdagi davrasini oʻtkazish masalalari muhokama qilindi.

Xalqaro va mintaqaviy kun tartibi mavzulariga alohida eʼtibor qaratildi.

Savdo, transport va logistika sohalarida hamkorlikni kengaytirish boʻyicha qoʻshma chora-tadbirlar koʻrish muhimligi qayd etildi.

Eron Tashqi ishlar vaziri Oʻzbekiston tomonini Iqtisodiy hamkorlik tashkilotiga samarali raislik qilgani va IHT Tashqi ishlar vazirlari kengashi yigʻilishini muvaffaqiyatli oʻtkazgani bilan tabrikladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер