Xabar berganimizdek, Iordaniya poytaxti Amman shahrida Osiyo qitʼasi taekvondochilari uchun Tokio-2020 uchun litsenzion turnir oʻtkazildi.

Musobaqaning kechagi dasturida qizlar oʻrtasida +67kg vazn toifasida oʻzbekistonlik Svetlana Osipova ham ishtirok etdi. Hamyurtimiz Olimpiya oʻyinlari yoʻllanmasi uchun kechgan jangda filippinlik Kyorsti Aloraga qarshi dayanga chiqdi va raqibini yirik – 27:5 hisobida magʻlubiyatga uchratib, Tokio-2020 Olimpiadasiga yoʻllanmani qoʻlga kiritdi.

Shu tariqa, Tokiodagi Olimpiya oʻyinlarida Oʻzbekistondan biryoʻla 4 nafar taekvondochi ishtirok etadigan boʻldi. Bu mustaqil Oʻzbekiston taekvondosi tarixida yangi rekorddir. Bungacha hech qachon biryoʻla 4 nafar oʻzbekistonlik taekvondochi Olimpiadada ishtirok etishmagan. Bundan oldin oʻtkazilgan Olimpiya oʻyinlarida koʻpi bilan 3 nafardan taekvondochi qatnashgan va hozircha medal ham qoʻlga kiritilmagan.

Quyida oʻzbekistonlik taekvondochilar qanday tarkibda Olimpiya oʻyinlarida ishtirok etishganligini yodga olamiz:

Afina-2004

Irina Kaydashova,

Nataliya Mikryukova,

Pekin-2008

Yevgeniya Karimova,

Dmitriy Kim,

Akmal Ergashev,

London-2012

Dmitriy Kim,

Akmal Ergashev,

Nataliya Mamatova,

Rio-de-Janeyro-2016

Nikita Rafalovich,

Nigora Tursunqulova,

Dmitriy Shokin,

Tokio-2020

Nikita Rafalovich,

Nigora Tursunqulova,

Svetlana Osipova,

Ulugʻbek Rashitov.

Tokiodagi Olimpiada oʻyinlarida nihoyat taekvondochilarimiz ham medal qoʻlga kiritib, Yangi Oʻzbekistonga yangi gʻalabalarni tortiq etishiga umid qilib qolamiz!