Oʻzbekiston Prezidenti Turkmaniston Vazirlar Mahkamasi Raisining oʻrinbosarini qabul qildi

18:54 14 Sentyabr 2021 Siyosat
469 0

Oʻzbekiston Respublikasi Prezidenti Shavkat Mirziyoyev 14-sentyabr kuni ikki tomonlama hukumatlararo komissiyalar yigʻilishlarini oʻtkazish doirasida mamlakatimizda boʻlib turgan Turkmaniston Vazirlar Mahkamasi Raisining oʻrinbosari Esenmirat Orazgeldiyevni qabul qildi.

Koʻp qirrali Oʻzbekiston-Turkmaniston hamkorligini yanada kengaytirishning amaliy jihatlari koʻrib chiqildi.

Oliy darajadagi muntazam muloqotlar birodar mamlakatlarimiz oʻrtasidagi doʻstlik, yaxshi qoʻshnichilik va strategik sheriklik munosabatlarini mustahkamlash, ularni aniq mazmun bilan boyitishga xizmat qilayotgani mamnuniyat bilan qayd etildi.

Esenmirat Orazgeldiyev Oʻzbekiston yetakchisiga samimiy qabul uchun minnatdorlik bildirdi hamda Turkmaniston Prezidenti Gurbanguli Berdimuhamedovning salomi va eng ezgu tilaklarini yetkazdi.

Shuningdek, shu kunlarda Toshkent shahrida oʻtkazilgan ikki tomonlama hamkorlik va suv xoʻjaligi masalalari boʻyicha qoʻshma hukumatlarlaro komissiyalar yigʻilishlarining asosiy natijalari toʻgʻrisida maʼlumot berdi.

Davlatimiz rahbari Oʻzbekistonda oʻtkaziladigan sammitga puxta va har tomonlama tayyorgarlik koʻrish, eng avvalo, mazmunli kun tartibini shakllantirish, shuningdek, iqtisodiy kooperatsiya loyihalari va madaniy-gumanitar almashinuv dasturlarini ilgari surish muhim ekanini taʼkidladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?