Oʻzbekiston Prezidenti Qozogʻistonning Birinchi Prezidenti bilan telefon orqali muloqot qildi

15:45 24 Iyul 2021 Siyosat
361 0

24-iyul kuni Oʻzbekiston Respublikasi Prezidenti Shavkat Mirziyoyev va Qozogʻiston Respublikasining Birinchi Prezidenti – Elboshi Nursulton Nazarboyevning telefon orqali muloqoti boʻlib oʻtdi.

Suhbat avvalida Elboshi davlatimiz rahbarini tavallud kuni bilan samimiy tabriklab, birodar Oʻzbekiston xalqiga tinchlik, farovonlik va ravnaq tiladi.

Oʻzbekiston-Qozogʻiston strategik sheriklik va keng koʻlamli hamkorlik munosabatlarini yana-da rivojlantirishning dolzarb masalalari muhokama qilindi. Ustuvor yoʻnalishlarda qoʻshma loyiha va dasturlarning amalga oshirilishini davom ettirish muhim ekani taʼkidlandi.

Mintaqa kun tartibi, shu jumladan Afgʻonistonda qaror topayotgan vaziyat yuzasidan fikr almashildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?