Oʻzbekiston Prezidenti Qozogʻiston Prezidentini umumxalq saylovidagi gʻalabasi bilan tabrikladi

10:42 21 Noyabr 2022 Siyosat
426 0

Foto: Oʻzbekiston Respublikasi Prezidentining Matbuot xizmati

21-noyabr kuni Oʻzbekiston Respublikasi Prezidenti Shavkat Mirziyoyevning Qozogʻiston Respublikasi Prezidenti Qasim-Jomart Toqayev bilan telefon orqali muloqoti boʻlib oʻtdi.

Davlatimiz rahbari Qasim-Jomart Toqayevni Qozogʻiston Respublikasi Prezidenti umumxalq saylovi muvaffaqiyatli oʻtgani va unda ishonchli gʻalaba qozongani bilan samimiy muborakbod etdi.

Oʻzbekiston-Qozogʻiston yaxshi qoʻshnichilik, strategik sheriklik va ittifoqchilik munosabatlarini yanada mustahkamlashning dolzarb masalalari koʻrib chiqildi.

Boʻlajak oliy darajadagi uchrashuvlarni tayyorlashga alohida eʼtibor qaratildi.

Savdo, sanoat, energetika, transport va logistika, qishloq xoʻjaligi kabi ustuvor yoʻnalishlarda va iqtisodiyotning boshqa tarmoqlarida amaliy hamkorlikni kengaytirish muhimligi qayd etildi.

Mintaqaviy hamkorlik masalalari yuzasidan ham fikr almashildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?