Oʻzbekiston FIFA reytingida bir pogʻona pastladi

19:27 16 Sentyabr 2021 Sport
890 0

Xalqaro futbol federatsiyalari assotsiatsiyasi (FIFA) tomonidan sentyabr oyi uchun terma jamoalarning reytingi eʼlon qilindi. Unda Oʻzbekiston 83-oʻrindan 84-pogʻonaga tushgan.

Oʻzbekiston terma jamoasi 1282 ball toʻplagan. Bu koʻrsatkich Osiyo davlatlari orasida 12-natija. FIFA reytingda Oʻzbekistondan yuqori oʻrinlarda OFK aʼzolaridan Eron, Yaponiya, Avstraliya, Janubiy Koreya, Qatar, Saudiya Arabistoni, BAA, Iroq, Xitoy, Oʻmon, Suriya joy olgan. 

Sentyabr oyida Oʻzbekiston bitta oʻrtoqlik uchrashuvi oʻtkazdi. Yangi bosh murabbiy Srechko Katanes boshchiligida jamoamiz 5-sentyabr kuni Stokgolmda Shvetsiya terma jamoasiga qarshi maydonga tushib, 1-2 hisobida imkoniyatni boy berdi.

FIFA reytingida birinchi pogʻonani Belgiya band etgan. Undan keyingi yuqori oʻrinlarni Braziliya va Angliya band etgan.  

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?