O’zbekiston Afg’onistondagi Mozori Sharif – Hirot temir yo’lini qurish uchun Hindiston kompaniyalarini jalb etmoqchi. Bu haqida “repost.uz” axborot manbasi xabar berdi.

Ma’lumki, Prezidentimizning 5 apreldagi tegishli Farmoni bilan o’rta muddatli istiqbolda asosiy xorijiy sheriklar bilan O’zbekiston Respublikasining tashqi siyosiy va tashqi iqtisodiy hamkorligini rivojlantirishning ustuvor yo’nalishlari tasdiqlandi.

Unda, jumladan, O’zbekiston Hindiston bilan, eng avvalo, tibbiyot va farmatsevtika, transport kommunikatsiyalari, axborot texnologiyalari sohalaridagi hamkorlikni kengaytirish hisobiga strategik sheriklikni yangi mazmun bilan to’ldirishni rejalashtirayotgani aytib o’tilgan.

Bundan tashqari, “O’zbekiston –Turkmaniston – Eron – Ummon” transport yo’lagini qurishda birgalikda ishtirok etish, Shimol – Janub yo’lagi doirasida hamkorlik qilish, Toshkentdan Kalkutta va Bangalorga to’g’ridan-to’g’ri aviareyslar ochish nazarda tutilayapti.