Foto: РИА «Новости»

Oq uy matbuot kotibi Jen Psaki Rossiyani “terrorizm homiysi” sifatida tan olish imkoniyatiga izoh berdi. 

Uning qayd etishicha, Vashington Moskvani terrorizmga homiylik qiluvchi davlatlar roʻyxatiga kiritish vakolatiga ega. Biroq, u hozircha bu haqda hech qanday bashorat qilmaydi.

Oq uy vakiliga koʻra, AQSH hukumati va AQSH Davlat departamenti Rossiyani ushbu roʻyxatga kiritish huquqiga ega. Buning uchun davlat kotibi Rossiya terrorchilik harakatlarini qoʻllab-quvvatlaganini aniqlashi kerak. Hozir ushbu roʻyxatga Shimoliy Koreya, Eron va Sudan kirgan.

Avvalroq Ukraina prezidenti Vladimir Zelenskiy AQSH yetakchisi Jo Baydendan AQSH Rossiyani terrorizmga homiylik qiluvchi davlatlar roʻyxatiga kiritishni soʻragan edi.

“The Washington Post” gazetasining oʻz manbalariga tayanib yozishicha, Zelenskiy telefon orqali muloqoti chogʻida Baydenga tegishli murojaat bilan chiqqan. Oʻz navbatida, Bayden aniq harakatlar boʻyicha oʻz zimmasiga hech qanday majburiyat olmagan, biroq u Moskvaga bosimni kuchaytirish boʻyicha barcha takliflarni oʻrganishga tayyor ekanini aytgan.

Nashr shuningdek, Rossiyaning “terrorizm homiysi” sifatida tan olinishi AQSH arsenalidagi eng kuchli va radikal sanksiyalardan biri boʻlishini qayd etgan.