Ohangaron shahar hokimligining mansabdor xodimi korrupsiyada gumon qilinib qoʻlga olindi
Toshkent viloyatining Ohangaron shahar hokimligida boʻlim boshligʻi lavozimida ishlab kelayotgan mansabdor shaxs firibgarlikda gumon qilinib ushlandi.
Maʼlumotlarga koʻra, u 1958-yilda tugʻilgan mahalliy fuqaroning ishonchiga kirib, hokimlik balansiga oʻtkazilishi rejalashtirilayotgan uch xonali xonadonni sud tizimidagi tanishlari orqali fuqaroning nomiga rasmiylashtirib berishini vaʼda qilgan.
Mansabdor shaxs mazkur uy narxini 15 ming AQSH dollariga kelishib, bundan tashqari sud organlaridagi tanishlariga berish uchun qoʻshimcha 3,5 ming AQSH dollari talab qilgan. Jami 18,5 ming AQSH dollari talab qilgan mansabdor shaxs oldindan 9,5 ming AQSH dollarini olgan vaqtda Davlat xavfsizlik xizmatining Toshkent viloyati boʻyicha boshqarmasi va Iqtisodiy jinoyatlarga qarshi kurashish departamenti hududiy boʻlimi xodimlari tomonidan ashyoviy dalillar bilan ushlangan.
Hozirda ushbu shaxsga nisbatan jinoyat ishi qoʻzgʻatilib, qamoq ehtiyot chorasi qoʻllangan. Tergov ishlari olib borilmoqda.
Tavsiya etamiz
Ko‘p o‘qilganlar
- Sakkizta gol urilgan oʻyinda “Barselona” gʻalaba qozondi
- “Bashakshehir” Turkiyaning grand klubi bilan durang oʻynadi
- Oʻzbekiston milliy terma jamoasi uchun Jahon chempionati qurʼasi omadli oʻtdimi?
- Ўзбекистон терма жамосининг Жаҳон чемпионатидаги ўйин саналари эълон қилинди
- AQSH Yevropadan NATO majburiyatlarining asosiy qismini oʻz zimmasiga olishni talab qildi
- Germaniyada oʻquvchilar harbiy chaqiruvga qarshi namoyishga chiqdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring