Nogironlarni ishga qabul qilganlarga subsidiya beriladi

17:20 08 Mart 2022 Jamiyat
1782 0

Foto: Illustrativ foto

Bandlikka koʻmaklashish davlat jamgʻarmasi mablagʻlari hisobidan nogironlarni ishga qabul qilganlarga har bir xodim uchun 6 oyda BHMning 1,5 baravarida subsidiya beriladi.

2024-yil 1-martgacha ish beruvchilarga nogironlar uchun toʻlangan ijtimoiy soliq Davlat byudjetidan toʻliq qaytarib beriladi.

2022-yil 1-iyuldan boshlab Bandlikka koʻmaklashish davlat jamgʻarmasi mablagʻlari hisobidan nogironligi boʻlgan shaxslarning ijtimoiy faolligini oshirish va ularni ijtimoiy qoʻllab-quvvatlash bilan shugʻullanuvchi nodavlat notijorat tashkilotlariga bazaviy hisoblash miqdorining 200 baravari miqdorida quyidagi tadbirlarni moliyalashtirish shartlarini nazarda tutuvchi ijtimoiy buyurtma mablagʻlarini ajratish tizimini joriy etiladi:

nogironligi boʻlgan shaxslar uchun tavsiya etilgan kasblar va ularning qiziqishlaridan kelib chiqib ushbu shaxslarni kasb-hunarga tayyorlash va qayta tayyorlash boʻyicha davlat yoki nodavlat taʼlim tashkilotlariga yoʻnaltirish;

ijtimoiy ehtiyojmand aholi qatlamlariga mansub shaxslarni kvotalangan eng kam sonidan ortiq miqdorda ishga qabul qilgan hamda ular uchun ish oʻrinlarini moslashtirgan ish beruvchilar tomonidan mavjud imtiyozlardan foydalanish darajasini oshirish;

nogironligi boʻlgan shaxslarni tadbirkorlik va oʻzini oʻzi band qilish faoliyatiga jalb qilish hamda ular uchun ijtimoiy taʼminotga oid axborot va maslahat berish hamda ularning huquqiy ongini oshirish.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер