Navoiyda nomaʼlum shaxs tomonidan olib qochilgan “Lacetti” Tomdi tumanidan topildi

22:11 28 Noyabr 2022 Jamiyat
315 0

Foto: O'zbekiston Respublikasi Ichki ishlar vazirligi

Zarafshon shahrida istiqomat qiluvchi S.S odatda har kuni oʻzining “Lacetti” rusumli avtomashinasida ishga qatnaydi. Oʻsha kun ham u “Navoiy-uran” DUK korxonasiga qarashli geologiya ekspeditsiyasining Tomdi-Zarafshon avtomobil yoʻli chetida mashinasini qoʻyib ketgandi. Kechga yaqin ishdan chiqib qarasaki, mashinasi joyida yoʻq. Zudlik bilan tuman IIBga murojaat qilgan.

Holat boʻyicha viloyat hududida toʻsib ushlash tadbiri eʼlon qilindi. Tezkor-qidiruv tadbiri natijasida ushbu jinoyatni tomdilik 27 yoshli K.P sodir etganligi aniqlandi. Va yana aniqlandiki, K.P mashinani oʻgʻirlab Tomdibuloq MFY tomon haydagan va choʻl qumloqlarida botib, harakatdan toʻxtagani sabab qochib ketishga ulgurmagan edi.

Hozirda K.Pga nisbatan Oʻzbekiston Respublikasi Jinoyat kodeksining 267-moddasi 1- qismi bilan jinoyat ishi qoʻzgʻatilib, tergov harakatlari olib borilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?