Navoiyda 90 gektar yerni 1 mlrd soʻmga pullayotganlar qoʻlga olindi

17:22 24 Mart 2023 Jamiyat
457 0

Foto: Illustrativ foto

Chorvachilik bilan shugʻullanish uchun Nurota tumani hududiga borgan X.S. tanishlari orqali tumanda yashovchi Y.N. va T.N.lar bilan tanishdi.

X.S.ning maqsadidan boxabar boʻlgach Nurota tumanida joylashgan 60 gektar qishloq xoʻjaligiga tegishli boʻlgan sugʻoriladigan yer joyi borligini, agarda 1 mlrd soʻm bersa atrofidagi boʻsh yer joylarni qoʻshib 90 gektar qilib tanishlari orqali rasmiylashtirib berishini aytadi.

Savdolashilgan puldan bir qismini hozir, qolganini keyinroq berishini aytgan xaridor bilan Navoiy shahrida uchrashishga kelishishdi.

Belgilangan sanada X.Sning 700 mln soʻm pullarni olayotgan Y.N. va T.N.lar Navoiy viloyati IIB JQB xodimlari tomonidan qoʻlga olindi. Ularga nisbatan Oʻzbekiston Respublikasi Jinoyat kodeksining 168-moddasi 4-qismi bilan jinoyat ishi qoʻzgʻatildi. Hozirda tergov harakatlari olib borilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер