Navoiy, Qashqadaryo, Sirdaryo viloyatlari ekologiya va atrof-muhitni muhofaza qilish boshqarma boshliqlari ishdan olindi

12:01 09 Avgust 2022 Jamiyat
497 0

Foto: Arxiv surat

Ekologiya va atrof-muhitni muhofaza qilish davlat qoʻmitasining navbatdagi yigʻilishi boʻlib oʻtdi. Yigʻilishda joriy yilning oʻtgan davr mobaynida erishilgan yutuqlar va yoʻl qoʻyilgan kamchiliklar koʻrib chiqildi. Ijobiy natijalar eʼtirof etilib, kamchiliklar tanqid qilindi.

Yigʻilishda ekologiya sohasiga oid qonunlar va Prezidentimiz farmon va qarorlari ijrosining bajarilishi hamda “Yashil makon” umummilliy loyihasi doirasida amalga oshirilgan ishlar va mamlakatimizda chiqindi sohasida qilinayotgan ishlarning bajarilish kabi masalalar muhokama qilindi.

Tanqidiy-tahliliy ruhda oʻtgan yigʻilishda oʻz ishiga masʼuliyatsizlik bilan yondashgan bir qator hududiy boshqarma boshliqlari, yaʼni Navoiy, Qashqadaryo, Sirdaryo viloyatlari ekologiya va atrof-muhitni muhofaza qilish boshqarma boshliqlari ishdan olindi.

Shuningdek, Davlat ekologiya qoʻmitasi markaziy apparatining uch nafar masʼul xodimlariga, “Yashil makon” umummilliy loyihasiga bevosita masʼul boʻlgan uch nafar hududiy boshqarma boshliqlarining birinchi oʻrinbosarlariga va chiqindi sohasini boshqarishga masʼul boʻlgan hududiy boshqarma boshliqlarining ikkinchi oʻrinbosarlariga “hayfsan” intizomiy choralari qoʻllanildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер