Narpayda fuqaro yashash xonadonida noqonuniy qurol hamda oʻq-dorilar saqlab kelayotgani aniqlandi

18:33 26 Noyabr 2020 Jamiyat
224 0

Samarqand viloyati IIB axborot xizmati xabariga koʻra, 2020-yil 25-noyabr kuni Samarqand boʻylab oʻtkazilayotgan “Kompleks” tezkor-profilaktik tadbiri davomida Narpay tumani IIB xodimlari tomonidan olingan maʼlumotga asosan, Narpay tumani Charxin mahallasida yashovchi, 1951-yilda tugʻilgan A.ning yashash xonadoni koʻzdan kechirildi.

Tekshiruv davomida ushbu shaxs oʻzining yashash uyida bir dona “TOZ-BUM” rusumli ikki koʻzli, 16-kalibrli ov quroli, 9 (toʻqqiz) dona 16 kalibrli gilzalarni va 70 (yetmish) dona sariq metalldan yasalgan kapsulalarni noqonuniy saqlab kelayotganligi aniqlanib, tegishli tartibda hujjatlashtirildi.

Hozirda ushbu holat yuzasidan tergovga qadar surishtiruv ishlari olib borilmoqda.

Abdulaziz Yoʻldoshev
(Xalq soʻzi)

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?