Namanganlik mergan sportchi I MDH oʻyinlarida gʻolib boʻldi

15:48 08 Sentyabr 2021 Sport
471 0

Joriy yilning 4-sentyabrida Rossiya Federatsiyasining Tatariston Respublikasi poytaxti Qozon shahrida start olgan birinchi MDH davlatlari oʻyinlari gʻoliblari aniqlanmoqda. Toʻqqizta davlat vakillari ishtirok etayotgan nufuzli musobaqaning pnevmatik quroldan oʻq otish yoʻnalishida mamlakatimiz terma jamoasi aʼzosi Muhammad Kamolov faxrli birinchi oʻrinni egallab, oltin medalni qoʻlga kiritdi.

Oʻzbekiston Respublikasi mudofaasiga koʻmaklashuvchi “Vatanparvar” tashkiloti Namangan viloyat kengashining oʻq otish sporti seksiyasi aʼzosi M. Kamolov 2002-yilda tugʻilgan boʻlib, olti yildan buyon ushbu sport turi bilan shugʻullanib keladi. Ustozlari — Muhabbat Kondakova hamda Vadim Kondakovlardan mahorat saboqlarini puxta oʻzlashtirgan yigit respublika va xalqaro musobaqalarda bir necha bor gʻolib boʻlgan. U ayni yutuqlari uchun oʻtgan yili Namangan muhandislik qurilish institutiga imtiyozli asosda oʻqishga qabul qilindi.

Qudratilla NAJMIDDINOV,
“Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?