Moskvaga oʻqishga joʻnatilayotgan talabalar bilan shartnomalar imzolandi

13:37 04 Noyabr 2020 Madaniyat
1026 0

Butunrossiya davlat kinematografiya instituti (VGIK) oʻqish uchun oʻzbekistonlik yetti nafar iqtidorli talabalarni tanlab olgan edi. Shu munosabat bilan bugun «Oʻzbekkino» Milliy agentligi Bosh direktori Firdavs Abduxoliqov va oʻqishga qabul qilingan talabalar ishtirokida shartnomalar imzolandi.

Uchrashuvda karantin sabab oʻqish onlayn rejimda boshlangani, noyabr oyining yakuniga qadar talabalar Moskvaga joʻnatilishi aytildi. Bosh direktor Butunrossiya davlat kinematografiya instituti (VGIK)ga kirgan talabalarni joriy yilning dekabr oyida Agentlik tomonidan oʻtkazilishi rejalashtirilayotgan yosh kinoijodkorlarning “Debyut” festivaliga ham taklif etdi.

Shuningdek Rossiya oliygohi bilan hukumat koʻmagi yordamida oʻzbek talabali uchun alohida kichik fakultet tashkil etilishi haqida kelishuvga erishilgani maʼlum qilindi. Bu keyinchalik yana-da koʻproq oʻzbekistonlik talabalarni MDHdagi eng asosiy kino oliygohida oʻqitish imkoniyatini yaratadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?