Avvalroq, Bosh prokuror Nigʻmatilla Yoʻldoshev raisligida korrupsiya holatlari kuzatilayotgan sohalar hamda vazirlik va idoralarda buning sabab va shart - sharoitlariga bagʻishlangan idoralararo yigʻilish boʻlib oʻtgani haqida xabar bergan edik.

Yigʻilishda qayd etilishicha, Moliya organlarining byudjet sarfini toʻlaqonli nazorat qilishiga tizimdagi korrupsiya holatlari ham toʻsqinlik qilmoqda. Yaʼni shu davr ichida moliya organlarining 41 nafar xodimiga korrupsiya holatlari uchun jinoiy isht ochilgan. Masalan, Davlat moliyaviy nazorati departamentiningSurxondaryo viloyati boshqarmasi bosh nazoratchi-taftishchisi N. Uzun qurilish kollejida aniqlangan 265 mln. soʻmlik kamomadni yashirish evaziga kollej bosh hisobchisi A. dan 2.000 dollar va 500 ming soʻm olganligi uchun sud hukmi bilan jazolangan. Yoki, Gʻaznachilikning andijon viloyati boshqarmasi mansabdor shaxslari xodimlarga ish haqi berish vaji bilan bankdan 1 mlrd. soʻm ortiqcha pul olishga erishib, uni shaxsiy ehtiyojlari uchun sarflab yuborganligi yuzasidan jinoyat ishi qoʻzgʻatilib, tergov oʻtkazilmoqda.