Qozon shahrida oʻtkazilayotgan birinchi MDH oʻyinlarida Oʻzbekiston delegatsiyasining qoʻlga kiritgan medallari soni 80 taga yetdi. Ortda qolgan kunda yosh sportchilarimiz 13 ta medalga sazovor boʻlishdi. Bu haqda MOQ xabar berdi.

Medallarimiz oʻq otish sporti va dzyudoga toʻgʻri keladi. Yosh mergan qizimiz Dilafroʻz Qobiljonova oʻz toifasida kumush medalga sazovor boʻlgan boʻlsa, dzyudochilarimiz 4 ta oltin, 2 ta kumush va 6 ta bronza medallarini jamoamiz hisobiga keltirishdi. Batafsil:

Oltin medal:
-48 kg: Halimajon Qurbonova
-57 kg: Shukurjon Aminova
-100 kg: Muzaffarbek Toʻraboyev
+100 kg: Shohruh Baxtiyorov

Kumush medal:
-63 kg: Farangiz Hojiyeva
-81 kg: Nurbek Murtazoyev

Bronza medal:
-66 kg: Dilshodbek Yoʻldoshev
-100 kg: Suhrob Rajabov
-63 kg: Farangiz Rejepova
-70 kg: Farangiz Xolmurodova
-78 kg: Irisxon Qurbonova
+78 kg: Fotima Quramboyeva

Bugungi medallar bilan hisoblaganda delegatsiyamiz 21 ta oltin, 29 ta kumush va 30 ta bronza, jami 80 ta medalga egalik qilmoqda.