Joriy yilning 30-yanvar kuni soat 16:00larda, Qoraqalpogʻiston Respublikasi, Nukus shahar hududidan oʻtgan A-380 «Gʻuzor — Buxoro —Nukus — Beyneu» xalqaro ahamiyatdagi avtomobil yoʻlining 771-kilometrida, haydovchi, 1971-yilda tugʻilgan U.R. “Neksiya-3” rusumli avtomobilda harakatlanayotib, boshqaruvni yoʻqotgan va qarama-qarshi boʻlakka oʻtib ketib, yoʻl chetida toʻxtab turgan 2 ta «Lasetti», «Damas», «Spark» hamda “Kobalt” rusumli avtomobillarga urilgan. 

Natijada, “Neksiya-3” rusumli avtomobil haydovchisi, 50 yoshli U.R.ga birinchi tez tibbiy yordam koʻrsatilgan. Transport vositalari texnik shikastlangan. Surishtiruv ishlari davomida haydovchi U.R. mast holda avtomobil boshqarganligi maʼlum boʻlgan. Bu haqda IIV YHXBB Axborot xizmati xabar berdi.

Qayd etilishicha, mazkur YTH yuzasidan Nukus shahar IIO FMB YHXB tomonidan surishtiruv ishlari olib borilmoqda.