Bu haqda AOKAda oʻtkazilgan brifingda Ekologiya va atrof-muhitni muhofaza qilish davlat qoʻmitasi boshqarma boshligʻi Abdurashid Sodiqov maʼlum qildi.

Fermer xoʻjaliklari va ihota daraxtzorlarida 30,0 mln, mahallalar va boshqa aholi punktlari hududlarida 19,5 mln, ishlab chiqarish va xizmat koʻrsatish obyektlarida 8,2 mln, obodonlashtirish obyektlarida 9 mln, ijtimoiy soha obyektlarida 6,9 mln hamda avtomobil yoʻllari yoqalarida 2,8 mln tup koʻchatlar ekilib, yoʻl boʻylari obodonlashtirildi.

Sanoat va ishlab chiqarish obyektlari atrofida “yashil belbogʻ”lar barpo etish boʻyicha ham jadal ishlar olib borildi.

Ekilgan koʻchatlarining sugʻorish tizimi holati yuzasidan olib borilgan oʻrganishlarda bu borada qator muammolar mavjudligi aniqlandi. Shu bois suvsiz va choʻl hududlarda koʻchatlarning sugʻorish tizimlarini yangicha usullarda kam suv talab etadigan innovatsion yechimlar orqali hal etishga eʼtibor qaratilmoqda.