Korrupsiyaga oid huquqbuzarlik haqida xabar bergan 18 nafar shaxs ragʻbatlantirildi

18:38 21 Yanvar 2022 Jamiyat
747 0

Oʻzbekiston Respublikasi Vazirlar Mahkamasining “Korrupsiyaga oid huquqbuzarlik haqida xabar bergan yoki korrupsiyaga qarshi kurashishga boshqa tarzda koʻmaklashgan shaxslarni ragʻbatlantirish tartibi toʻgʻrisidagi Nizomni tasdiqlash haqida”gi qarori ijrosini samarali taʼminlash maqsadida maxsus komissiyalar tomonidan korrupsiyaga oid huquqbuzarliklar haqida xabar bergan yoki korrupsiyaga qarshi kurashishga boshqa tarzda koʻmaklashgan shaxslarni ragʻbatlantirish masalalari koʻrib chiqilmoqda.

Qayd etish lozimki, jamiyatda korrupsiyaga qarshi murosasiz munosabatni shakllantirishda jamoatchilik ishtirokini yanada oshirish, latent (yashirin) holatda qolayotgan jinoyatlarni barvaqt aniqlash, ularni oʻz vaqtida fosh etishda tashabbuskor hamda faol fuqarolarning ishtirok etish darajasini kengaytirish va ularni ragʻbatlantirish muhim ahamiyat kasb etadi.

Bosh prokuratura tomonidan 2021-yilda jami 18 nafar shaxslar korrupsiyaga oid huquqbuzarlik haqida xabar berganligi yoki korrupsiyaga qarshi kurashishga boshqa tarzda koʻmaklashganligi sababli ragʻbatlantirildi.

Ushbu xabarlar asosida 16 ta holatda pora olish va 2 ta holatda byudjet mablagʻlarini juda koʻp miqdordagi qiymatda talon-toroj qilish jinoyatlari fosh etilib, aybdor shaxslarga nisbatan jazo muqarrarligi taʼminlandi.

Albatta, korrupsiyaga qarshi murosasiz kurashishda aholining barcha qatlamlari faol ishtirok etib kelayotganligi quvonchli holdir.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер