Koronavirusga qarshi vaksinani Oʻzbekistonda ishlab chiqarish masalasida Xitoy delegatsiyasi Toshkentga keldi

21:54 23 Iyul 2021 Jamiyat
253 0

Innovatsion rivojlanish vazirligi va Farmatsevtika tarmogʻini rivojlantirish agentligi taklifiga koʻra 23-iyul kuni Xitoyning “Anhui Zhifei Longcom Biopharmaceutical” kompaniyasi delegatsiyasi Toshkentga yetib keldi. Delegatsiya hozirda yurtimizda qoʻllanilayotgan ZF-UZ-VAC2001 vaksinasini ishlab chiqarayotgan mazkur kompaniyaning bosh muhandisi Vang ZiJun, Eksport boʻlimi boshligʻi Chen Fangvu hamda Chu Yingjin va Li Jifyao kabi mutaxassislardan iborat.

Delegatsiya poytaxtimizga Oʻzbek-Xitoy vaksinasini Oʻzbekistonda ishlab chiqarishni yoʻlga qoʻyish boʻyicha muzokaralar olib borish maqsadida tashrif buyurdi. Mutaxassislar vaksina ishlab chiqarish uchun infratuzilmaviy imkoniyatlarini baholaydi.

Xitoy Fanlar akademiyasi SARS-CoV-2 koronavirusiga qarshi nomzod vaksinasini yaratish loyihasining tashabbuskori va koordinatori hisoblanadi. Innovatsion rivojlanish vazirligi huzuridagi Ilgʻor texnologiyalar markazi va Sogʻliqni saqlash vazirligining Virusologiya ilmiy-tadqiqot institutining vaksina sinovlarida bevosita ishtiroki, shuningdek, klinik tadqiqotlarga qoʻshgan hissasi natijasida Oʻzbekiston vaksinaning hammuallifi sifatida eʼtirof etilgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?