Janubiy Koreya Respublikasiga kirib kelishda yangi tartib joriy etildi

08:07 05 Dekabr 2021 Jamiyat
729 0

Koreya Respublikasida koronavirusning «omikron» shtammi qayd etilgani sababli va uning keng tarqalishini oldini olish maqsadida 3-16-dekabr kunlari davomida mamlakatga kirib kelayotgan barcha fuqarolar 10 kunlik karantinni oʻtaydi.

Maʼlum qilinishicha, mazkur tartib qaysi davlatdan tashrif buyurayotgani va vaksina olgan yoki olmaganidan qatʼi nazar barcha fuqarolar uchun amal qiladi.

Bunda, Koreya Respublikasi fuqarolari va mamlakatda doimiy istiqomat qiladigan fuqarolar 10 kunlik karantin muddatini oʻz uylarida yakkalangan holda oʻtaydi.

Shuningdek, Koreya Respublikasiga kirib kelishdan oldin, kirib kelgan kunda va karantindan chiqayotgan kunda – jami 3 marotaba PSR test topshirilishi barcha kirib kelayotgan fuqarolar uchun majburiy etib belgilangan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?