Kim Chen In Shimoliy Koreya yadroviy kuchlari haqiqiy urushga tayyorligini aytdi

00:12 14 Oktyabr 2022 Dunyo
1694 0

Arxiv surat

Shimoliy Koreya yetakchisi Kim Chen In mamlakat yadroviy kuchlari haqiqiy urushga toʻliq tayyor ekanini aytdi.

Shimoliy Koreya yetakchisi Kim Chen In uzoq masofaga uchuvchi qanotli raketalarni sinovdan oʻtkazganidan soʻng raqiblarini mamlakat yadroviy kuchlari haqiqiy urushga toʻliq tayyor ekanligidan ogohlantirdi. Bu haqda CNN Koreya markaziy axborot agentligiga (KCNA) tayanib xabar berdi.

“Bizning jangovar yadroviy kuchlarimiz dushmanlarni oʻz nazoratiga olish uchun haqiqiy urushga toʻliq tayyorligini yana bir bor isbotladi”, dedi u. 

Shimoliy Koreya rahbarining soʻzlariga koʻra, raketalarni sinovdan oʻtkazish dushmanlar uchun navbatdagi ogohlantirish, shuningdek, amaliy sinov va davlatning toʻxtatuvchi kuchlarining mutlaq ishonchliligi va jangovar samaradorligining yaqqol namoyishi boʻldi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?