Toshkent xalqaro aeroportiga “Istambul-Toshkent” yoʻnalishi boʻyicha uchib kelgan fuqaro J.J.ning yuklari belgilangan tartibda xolislar ishtirokida bojxona nazoratidan oʻtkazildi. Bu haqda DBQ axborot xizmati xabar berdi.

Natijada, uning ichida bojxona nazoratiga taqdim etilmagan va jismoniy shaxslar tomonidan olib kirilishi taqiqlangan 1 dona “Corby Drones” rusumli uchuvchisiz uchish apparati borligi aniqlandi.

Xozirda ushbu holat yuzasidan tekshiruv ishlari davom ettirilmoqda.

Maʼlumot uchun, Oʻzbekiston Respublikasining joriy yil 2-may kuni qabul qilingan “Oʻzbekiston Respublikasining Jinoyat, Jinoyat-protsessual kodekslariga hamda Oʻzbekiston Respublikasining Maʼmuriy javobgarlik toʻgʻrisidagi kodeksiga oʻzgartish va qoʻshimchalar kiritish haqida”gi Qonunning 1-moddasiga asosan, Oʻzbekiston Respublikasining Jinoyat kodeksi 2444-moddasi bilan toʻldirilgan boʻlib, uchuvchisiz uchadigan apparatlarni qonunga xilof ravishda olib kirish, oʻtkazish, olish, saqlash yoki ulardan foydalanish boʻyicha jinoiy javobgarlik belgilangan. Mazkur Qonunning 1-moddasi 2019-yil 4-noyabrdan amalga kiritiladi.