Xorazmdagi “zapravka”da 3 mlrd soʻmlik gazdan noqonuniy foydalanildi
Foto: “Oʻzenergoinspeksiya”
Xorazm viloyati Yangibozor tumanida joylashgan avtomobillarga metan gaz toʻldirish shoxobchasi 3 milliard 48 million soʻmlik gazdan noqonuniy foydalangani aniqlandi. Bu haqda Elektr energiyasi, neft mahsulotlari va gazdan foydalanishni nazorat qilish inspeksiyasi xabar berdi.
Qayd etilishicha, viloyatda “Oʻzenergoinspeksiya”ning hududiy boshqarmasi, viloyat prokuratura va IIB hamkorligida nazorat tadbiri oʻtkazilgan. Unda Yangibozor tumanida joylashgan “F.G.” MChJga qarashli “zapravka” tabiiy gazdan noqonuniy foydalanib kelayotgani maʼlum boʻlgan.
Xususan, ushbu shoxobchada gaz hisoblash uskunasining konfiguratsiyasiga tashqi taʼsir koʻrsatilganligi aniqlangan.
Dastlabki hisob-kitoblarga koʻra, ushbu qoidabuzarlik natijasida gaz taʼminoti korxonasiga 3 milliard 48 million soʻmlik zarar yetkazilgan.
Inspeksiya axborot xizmatining bildirishicha, hozirda mazkur holat yuzasidan huquqni muhofaza qilish organlari tomonidan tergovga qadar tekshiruv ishlari olib borilmoqda.
Tavsiya etamiz
Ko‘p o‘qilganlar
- Eron va Isroil oʻrtasidagi ziddiyatlar xronologiyasi yoxud bugungi “urush”ning ildizi qayerda?
- Oʻzbekiston Tashqi ishlar vazirligi Isroil–Eron mojarosi yuzasidan bayonot berdi
- “Air India” fojiasidagi tirik qolgan yagona yoʻlovchi hikoyasi
- Shomurodovning koʻz yoshlari, Fayzullayevning raqsi va muxlislar hayqirigʻi — Mundial eshiklarini ochgan oʻyindan fotoreportaj
- Toshkent davlat tibbiyot universitetining “Bitiruvchi – 2025” tantanali marosimi boʻlib oʻtdi
- “JCH-2026”ga Osiyodan toʻgʻridan-toʻgʻri yoʻllanmani qoʻlga kiritgan terma jamoalar maʼlum
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring