Xivada shaxmat boʻyicha xalqaro musobaqa boʻlib oʻtmoqda

22:00 29 Noyabr 2022 Jamiyat
886 0

Foto: Xorazm viloyati hokimligi Matbuot xizmati

Xiva shahrida Xalqaro shaxmat federatsiyasi, Sportni rivojlantirish vazirligi va Xorazm viloyat hokimligi hamkorligida tashkil qilingan shaxmat boʻyicha al-Beruniy xalqaro musobaqasi start oldi. Shu munosabat bilan oʻtkazilgan tadbirda Xorazm viloyati hokimi Farhod Ermanov va Oʻzbekiston shaxmat federatsiyasi raisi Alisher Saʼdullayev soʻzga chiqib, ushbu nufuzli musobaqaning ochilishi bilan ishtirokchilarni samimiy qutladi.

— Shaxmat eng qadimiy sport turi boʻlib, insonning fikrlash qobiliyati, aqliy salohiyatini yuksaltirish, maqsadli qaror qabul qilish koʻnikmalarini shakllantirishda muhim rol oʻynaydi, — deydi musobaqa qatnashchisi, Hindistonning Chennay shahrida oʻtkazilgan 44-Butunjahon shaxmat olimpiadasi gʻolibi Nodirbek Yoqubboyev. — Oʻrta asrlarning buyuk qomusiy olimi Abu Rayhon Beruniy oʻzining “Hindiston” asarida shaxmatning kelib chiqish tarixi va inson maʼnaviy kamolotidagi ahamiyatini toʻla ochib bergan. Buyuk bobomiz nomi bilan bogʻlangan ushbu xalqaro turnirda shaxmatchilar muhim reyting ochkolarini jamgʻarish imkoniga ega boʻladilar. Musobaqa yana bir bor mahorat sinovi maydoniga aylanishi shubhasiz.

Xalqaro musobaqa 6-dekabrga qadar davom etadi.

Odilbek Odamboyev, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер